Aŭdaca prodo, felvestita,
Promena al ĉasad' profita
Kun bastonego aŭ kun lanco
Nur ekrigardu kun favoro -
Kaj forgesiĝas tuj malico,
De inoj, pretaj al adoro,
Ĉe li grandega iĝos vico.
Jen post jarcentoj viro brava,
Honesta, en kiras' vestita,
Promena al milit' profita
Kun Dio kaj mieno grava.
Li nur ektintu per kiraso -
Tuj for obstino kaj kaprico,
De inoj, plenaj de melaso,
Ĉe l' viro granda iĝos vico.
Kaj jen nuntempa vir' vulgara,
Aroga, stulta, firmvestita,
Venanta al bazar' profita
En nigra "Volga dudekkvara".
Memfida - tre, ruzega - vere...
La ŝancon ankaŭ li posedu:
Nur eksusuru monpapere -
Virinoj venos... oni kredu...