Du semajnojn daŭris la tendaro,
Flugis tiuj gaje kaj incite.
Rido, kantoj, sonoj de gitaro -
Ĉio ĉi ja pasas senevite.
Pensoj dronas en la bru' stacia
Kaj la vero ŝajnas halucino,
Ĉe l' amika rondo tradicia
Kvazaŭ sonus: "Fino, fino, fino..."
De l' temp' rivero fluas for
Kaj jam minutojn ni kalkulas
Okuloj viaj respegulas
Kaŝitan ĉion en la kor'.
Post ridetoj streĉaj kaj babilo
De l' silento strida staras muro.
Jen aŭdiĝas de laŭtparoliloj:
"Du minutoj ĝis la forveturo".
Adiaŭoj hastaj aŭ solenaj,
De l' lokomotiv' averta kriĉo
Kaj okuloj viaj dolorplenaj -
Restis du minutoj de l' filiĉo.
De l' temp' rivero fluas for,
Ni staras meze de l' torento.
Nur du minutoj de l' turmento,
Nur du - por ĉiam en memor.